Afət Ziyadqızı
ABŞ-nin "Defense Priorities" tədqiqat mərkəzinin hərbi təhlil üzrə direktoru Cennifer Kavana Ukrayna Silahlı Qüvvələrinin Xəzər dənizində İranın ticarət gəmisinə endirdiyi zərbəni şərh edib.
“Operativ Məlumat Mərkəzi-OMM” xəbər verir ki, “Newsweek” nəşrinə danışan ekspert hadisənin Vaşinqton üçün ciddi diqqət tələb edən məsələ olduğunu bildirib.
Bildirilib ki, Cennifer Kavananın sözlərinə görə, İsrail ilə Ukrayna arasında əməkdaşlığa dair sübutlar məhdud olsa da, Ukrayna Prezidenti Volodimir Zelenski müharibədə üstünlük qazanmağın yollarından birini münaqişənin coğrafiyasını genişləndirmək və ABŞ ilə Avropanı prosesə daha fəal cəlb etməkdə görür.
Analitik qeyd edib ki, İranın ticarət gəmisinə hücum və Rusiyanın İrana kəşfiyyat məlumatları ötürdüyünə dair yayılan iddialar Ukrayna rəhbərliyinin münaqişəni İranla qarşıdurma fonunda təqdim etməyə çalışdığını göstərir.
Qeyd edək ki, Polşanın müdafiə naziri Vladislav Kosinyak-Kamış daha əvvəl Rusiyanın ölkəsinə birbaşa hücum ehtimalını istisna etsə də, Moskvanı yeni təxribatlara, eləcə də diversiya və təbliğat fəaliyyətlərini gücləndirməyə hazırlaşmaqda ittiham edib.
