Afət Ziyadqızı
ABŞ qüvvələrinin İranla bağlı dəniz əməliyyatları barədə məlumat yayılıb.
“Operativ Məlumat Mərkəzi-OMM” xəbər verir ki, bu barədə ABŞ-nin Yaxın Şərqdəki Mərkəzi Komandanlığı (CENTCOM) məlumat yayıb.
Bildirilib ki, blokadanın başladığı gündən etibarən ABŞ Hərbi Dəniz Qüvvələri İran limanlarına daxil olan və ya çıxan 28 ticarət gəmisini geri qaytarıb və limana dönmək əmri verib.
Məlumata görə, CENTCOM-un “X” hesabında yayılan açıqlamada bu addımların blokadanın icrası çərçivəsində həyata keçirildiyi qeyd olunub.
Qeyd olunub ki, daha əvvəl – 19 apreldə ABŞ Hərbi Dəniz Qüvvələri Oman körfəzində İrana məxsus “Tuska” adlı yük gəmisini ələ keçirdiyini və əməliyyat zamanı gəmi heyətinin ABŞ qüvvələrinin əmrlərinə tabe olmadığını bildirib.
Məlumata əsasən, ABŞ aprelin 13-dən etibarən İran limanlarına qarşı blokada tədbirlərinə başladığını açıqlayıb.
