Vaşinqtonda təyyarənin qəzaya uğradığı yerdə aparılan xilasetmə əməliyyatına təxminən 300 nəfər cəlb edilib.
"Operativ Məlumat Mərkəzi-OMM" xarici mediaya istinadən xəbər verir ki, bu barədə paytaxtın Yanğından Mühafizə və Təcili Tibbi Yardım Xidmətinin rəhbəri Con Donnali Reyqan adına hava limanında keçirilən mətbuat konfransında bildirib.
"Xilasetmə əməliyyatında təxminən 300 nəfər iştirak edir", - o qeyd edib.
Vaşinqtonda Reyqan adına hava limanı yaxınlığında “Black Hawk” hərbi helikopteri ilə içərisində 64 nəfərin olduğu Kanzasdan gələn sərnişin təyyarəsinin toqquşması son 15 ildə ABŞ-də ən böyük aviasiya qəzası ola bilər.
