"Mançester Yunayted"in hücumçusu Coşua Zirkze İtaliyaya qayıda bilər.
"Operativ Məlumat Mərkəzi-OMM" "TuttoSport"a istinadən xəbər verir ki, 23 yaşlı futbolçu "qırmızı şeytanlar"ın heyətində 17 oyunda cəmi 1 qol və 2 məhsuldar ötürmə ilə uğursuz çıxışına görə tənqid olunur.
"Yuventus" yanvarda Zirkzeni transfer etməyə cəhd edə bilər.
Xatırladaq ki, "Mançester Yunayted" Zirkzeni iyul ayında 42,5 milyon avroya "Bolonya"dan alıb.
Futbolçunun ingilis nəhəngləri ilə müqaviləsi 2029-cu ilə qədərdir.
