Afət Ziyadqızı
ABŞ-nin müharibə naziri Pit Heqset Naməlum Əsgər məzarı önündə güldüyünə görə ona və köməkçilərinə irad bildirən qarovulçu Tomas İqlesiası təltif edib.
“Operativ Məlumat Mərkəzi-OMM” xəbər verir ki, Heqset hərbçiyə təqdir medalı təqdim edib və mükafatlandırmadan fotoları sosial şəbəkə hesablarında paylaşıb.
“Biz əsgərləri sevirik. Qaydalara dəyər veririk. Əla işdir, mütəxəssis. Belə davam edin, vətənpərvərlər”, – deyə nazir paylaşımında yazıb.
Qeyd edək ki, İqlesias daha əvvəl məzar önündə gülən Heqsetə və onun köməkçilərinə irad bildirərək onlardan müvafiq davranış qaydalarına riayət etmələrini tələb etmişdi.
