Ukrayna Prezidenti Volodimir Zelenski sosial media hesabı vasitəsilə etdiyi paylaşımda, Birləşmiş Ərəb Əmirliklərinin paytaxtı Əbu-Dabidə keçirilən üçtərəfli müzakirələrdə iştirak edən Ukrayna nümayəndə heyətini qəbul etdiyini bildirib.
"Operativ Məlumat Mərkəzi-OMM" xəbər verir ki, dövlət başçısı nümayəndə heyətindən ABŞ, Ukrayna və Rusiya arasında baş tutan görüşün təfərrüatları barədə məlumat alıb.
Zelenski qeyd edib ki, bu, uzun müddətdən sonra müharibəyə son qoymaq məqsədilə həyata keçirilən ilk üçtərəfli dialoq formatıdır.
Görüş zamanı tərəflərin hələlik razılığa gələ bilmədiyi bəzi çətin siyasi məsələlərin müzakirə olunduğu vurğulanıb.
Zelenski sonda əlavə edib ki, bu həftə ərzində yeni üçtərəfli görüşlərin keçirilməsi üçün hazırlıq işləri görülür.
