OMM Redaksiyası
ABŞ Prezidenti Donald Tramp Ukrayna Prezidenti Volodimir Zelenskinin iki il əvvəl Moskva ilə münaqişənin həlli üzrə Kiyev üçün daha əlverişli razılaşma əldə etmək imkanını əldən verdiyini bildirib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
"İki il əvvəl o, indiki şəraitdə əldə edə biləcəyindən daha sərfəli şərtlərlə razılaşma əldə edə bilərdi", - o qeyd edib.
Tramp həmçinin Zelenskinin Rusiya-Ukrayna münaqişəsini həll etməyə, heç vaxt ciddi şəkildə can atmadığını iddia edib.
"Zelenskinin buna əhəmiyyət vermir. Açığını desəm, Avropanın ona verdiyi və əvvəllər Co Baydenin də ayırdığı pulları nəzərə alsaq, o bu müharibəni bitirmək istəmir və yəqin ki, heç vaxt istəməyib", - Tramp bildirib.
ABŞ Prezidenti yenidən Zelenskini dünya bazarında dizel yanacağının qiymətlərinin artmasına səbəb olmaqda ittiham edib:
"Zelenski Rusiyada dizel yanacağı istehsal edən neft emalı zavodlarına zərbələr endirir və bu addımların ABŞ də daxil olmaqla, dünya dizel yanacağı bazarına ciddi zərər vurduğunu yaxşı bilir. Fermerlərimiz, ranço sahibləri və sahibkarlarımız bu addımların nəticələrindən ciddi əziyyət çəkirlər".
O əlavə edib ki, buna baxmayaraq, Rusiya dünya bazarlarına milyonlarla barel dizel yanacağını aşağı qiymətlərlə tədarük edir.
