OMM Redaksiyası
Nyu-Yorkda BMT Baş Assambleyasının 81-ci sessiyası çərçivəsində Fransa Prezidenti Emmanuel Makronla ABŞ Prezidenti Donald Tramp arasında görüş olub.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, onlar enerji bazarlarındakı gərginliyi azaltmaq, Yaxın Şərqdəki kritik infrastrukturu qorumaq və Hörmüz boğazında gəmiçilik azadlığını təmin etmək üçün birgə işləmək barədə razılığa gəliblər.
"Biz həmçinin Ukraynanın energetika və mülki infrastrukturuna zərbələrə moratorium əldə etmək üçün səylərimizi birləşdirəcəyik. Mülki əhali qorunmalıdır və biz Rusiya ilə Ukrayna arasında sülh şərtləri ilə bağlı ciddi danışıqlara mümkün qədər tez başlamalıyıq", - Makron qeyd edib.
Fransa prezidenti görüşdən sonra jurnalistlərə açıqlamasında müzakirələrin çox yaxşı və konstruktiv keçdiyini bildirib.
O əlavə edib ki, tərəflər Rusiya-Ukrayna məsələlərini və ukraynalı dostlara müdafiə baxımından əsas məsələ olan raket-qəbuledicilərin daha sürətli və güclü şəkildə verilməsinin vacibliyini geniş müzakirə ediblər.
Qeyd edək ki, Trampla Makron dünya liderləri və diplomatlar qarşısında çıxış edəcəklər.
