"Onların razılaşmaya getməməsi üçün heç bir səbəb yoxdur"

ABŞ lideri Donald Tramp İranla sülh razılaşmasının əldə olunmaması halında mühüm qərar verməli olacağını bildirib.

“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.

"Mən mühüm qərar verməli olacağam. İranla onlara ölkəni yenidən qurmağa və onu əvvəlkindən daha böyük etməyə imkan verəcək razılaşma əldə olunacaqmı? Əks halda İslam Respublikasını məhv etməli olacağam və bunu tez bir zamanda edəcəyəm ki, onlar daha insanları öldürə və ölkələri dağıda bilməsinlər", - Tramp deyib.

Tramp BMT Baş Assambleyasının Nyu-Yorkda keçirilən sessiyası çərçivəsində Yaxın Şərq ölkələrinin liderləri ilə də görüşüb. Görüş zamanı Hörmüz boğazından gəmiçiliyin bərpası məsələsi müzakirə olunub.

ABŞ Prezidenti İranla razılaşmanın seçkilərdən dərhal sonra əldə edilə biləcəyini də istisna etməyib.

"Düşünürəm ki, İranla seçkilərdən dərhal sonra razılaşma əldə edəcəyik, çünki onların razılaşmaya getməməsi üçün heç bir səbəb yoxdur. Onlar aralıq seçkilərdə işlərimin necə gedəcəyini gözləyirlər", - Tramp bildirib.