ABŞ Prezidenti Donald Tramp Ukraynadakı böhranın nizamlanması ilə bağlı diqqətçəkən bəyanatla çıxış edib.
“Operativ Məlumat Mərkəzi-OMM”-in xəbərinə görə, Ağ Ev rəhbəri hesab edir ki, bu məsələnin həlli birbaşa ABŞ administrasiyasının deyil, BMT-nin məsuliyyətində olmalıdır.
Davosda keçirilən Dünya İqtisadi Forumunda çıxış edən Tramp, Ukrayna məsələsinin həllini əvvəllər ən asan tapşırıqlardan biri hesab etdiyini bildirib:
"Mən bu cür məsələlərin həllində kifayət qədər bacarıqlıyam. Hesab edirəm ki, bu proseslə ABŞ deyil, məhz BMT məşğul olmalıdır. İnsan həyatlarını xilas etmək üçün bu addımın atılması mütləqdir".
Prezident əlavə edib ki, kimin məşğul olmasından asılı olmayaraq, əsas məqsəd çoxsaylı insan itkilərinin qarşısını almaq üçün münaqişəni sonlandırmaqdır.
