OMM Redaksiyası
Fransa Prezidenti Emmanuel Makron Nyu-Yorkda BMT Baş Assambleyası çərçivəsində Ukrayna Prezidenti Volodimir Zelenski ilə görüşüb.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
"Rusiyanın Ukraynanın energetika infrastrukturuna zərbələri milyonlarla ailəni istilik və elektrik enerjisindən məhrum etməklə hədələyir. Fransa qış mövsümünü adlamaqda Ukraynanı dəstəkləyəcək, G7-nin enerji qrupu da ona dəstək üçün səfərbər olunacaq", - o qeyd edib.
Fransa lideri bildirib ki, radar və raket-qəbuledicilərin tədarükünə dair müqavilənin imzalanması Ukraynanın hava hücumundan müdafiəsini gücləndirəcək.
Makron həmçinin bu dəstəyi ABŞ Prezidenti Donald Trampla da müzakirə etdiyini bildirib.
Onun sözlərinə görə, amerikalı həmkarı ilə Qara dənizdə enerji atəşkəsi və moratorium perspektivləri də müzakirə olunub:
"Bu, bərpa olunmalı və ədalətli, davamlı sülhə gətirib çıxarmalı olan danışıqlarda əsas məsələ olacaq".
Qeyd edək ki, bu gün Tramp və Zelenskinin də görüşü nəzərdə tutulub.
