OMM Redaksiyası
Bakıda keçirilən üzgüçülük üzrə Dünya Kubokunun ikinci gününün final seansında Rusiya təmsilçisi Yeqor Kornev iki dəfə diqqət çəkib. O, 100 metr sərbəst üsulla 44,84 saniyə nəticə göstərərək dünya rekordçusu Kayl Çalmersin göstəricisini təkrarlayıb.
Kornev 50 metr arxası üstə üzmə yarışında isə 22,23 saniyə ilə Dünya Kubokunun rekordunu yeniləyib. Azərbaycan təmsilçisi Fatimə Alkərəmova 400 metr qarışıq üsulla yarışda yeddinci yeri tutub.
Final seansının nəticələri
Kişilər: 50 metr arxası üstə — Yeqor Kornev, Pavel Samusenko, Piter Kutsi; 200 metr qarışıq — Luk Barr, Alberto Rassetti, Finley Noks; 50 metr brass — Hayyanq Çin, Maykl Huli, Kirill Priqoda; 100 metr sərbəst — Yeqor Kornev, Kemeron Makevoy, Vasili Kukuşkin; 200 metr kəpənək — Cuner Çen, So Oqata, Alberto Rassetti.
Qadınlar: 400 metr qarışıq — Yitinq Yu, Ebi Vud, Mohan Çanq; 200 metr sərbəst — Şivon Hohey, Anna Peplovski, Yaqi Fan; 100 metr arxası üstə — Marit Stenberxen, Teylor Rak, Anna Peplovski; 50 metr kəpənək — Ros Vanotterdayk, Sara Yunevik, Arina Surkova; 100 metr brass — Mona Makşeri, Yevgeniya Çikunova, Eymi Kenni.
Dünya Kuboku oktyabrın 1-dən 3-dək Bakı Su İdmanı Sarayında keçirilir. Yarışda 44 ölkədən 216 idmançı iştirak edir, Azərbaycanı isə 15 üzgüçü təmsil edir.
