Afət Ziyadqızı
Venesuelanın müvəqqəti dövlət başçısı Delsi Rodriges Birləşmiş Millətlər Təşkilatının (BMT) 81-ci Baş Assambleyasındakı tarixi çıxışı zamanı ölkəsinin siyasi gələcəyi, ABŞ ilə münasibətlər və daxili islahatlar barədə mühüm bəyanatlarla çıxış edib.
“Operativ Məlumat Mərkəzi-OMM” xəbər verir ki, bu barədə Karakas hökumətinin rəsmi mənbələri və beynəlxalq xəbər agentlikləri məlumat yayıb.
Rodriges tribunalda çıxışı zamanı Venesuelanın bu il iki böyük və ağır sınaqla üz-üzə qaldığını diqqətə çatdırıb. Onun sözlərinə görə, ölkə ABŞ ilə yaşanan kəskin fikir ayrılıqlarının doğurduğu dərin siyasi gərginliklə yanaşı, iyunun 24-də baş verən dağıdıcı zəlzələlərin fəsadları ilə mübarizə aparmalı olub.
Müvəqqəti dövlət başçısı vurğulayıb ki, bütün çətinliklərə və vurulan ağır zərbələrə baxmayaraq, Venesuela bu gün yenidən doğuş mərhələsinə qədəm qoyur. O, Vaşinqton və Karakas arasında bu yaxınlarda əldə olunan energy və diplomatik razılaşmanı iki ölkənin münasibətlər tarixində imzalanmış en mühüm və strateji sazişlərdən biri kimi dəyərləndirib.
Rodriges Venesuelada idarəetmənin bərpası və siyasi sabitliyin təmin olunması üçün sistemli addımların atıldığını elan edib:
“Venesuelanın yenidən doğulmasını təmin etmək məqsədilə demokratik keçid prosesinə başladığımızı açıqlamaqdan məmnunam”.
O bildirib ki, transformasiya prosesi nizamlı, institusional və beynəlxalq səviyyədə yoxlanıla bilən meyarlar əsasında həyata keçiriləcək. Keçid proqramına dövlət aparatının yenidən qurulması, məhkəmə sistemində köklü islahatların aparılması və bütün müxalif qruplarla dürüst dialoqun qurulması daxildir.
“Venesuelada mütləq seçkilər keçiriləcək”, – deyə Rodriges vurğulayıb. O, bütün siyasi qüvvələrin bərabər şərtlər və azad rəqabət mühitində iştirakını təmin etmək üçün məsləhətləşmələrin davam etdiyini bildirib. Müvəqqəti lider beynəlxalq ictimaiyyəti Venesuelanın suverenliyinə və daxili işlərinə hörmət çərçivəsində bu prosesə dəstək verməyə çağırıb.
