Venesuela ABŞ hərbi əməliyyatının region üçün nəticələrini qiymətləndirdi

ABŞ-nin Venesuelaya qarşı mümkün hərbi əməliyyatı təkcə bu ölkə üçün deyil, bütün region üçün ciddi nəticələrə səbəb ola bilər.

“Operativ Məlumat Mərkəzi-OMM” “RİA Novosti”yə istinadən xəbər verir ki, bu fikri hakim Venesuela Birləşmiş Sosialist Partiyasından olan parlament üzvü Angel Rodriges səsləndirib.

Rodrigesin sözlərinə görə, ABŞ bölgədəki dominantlığını möhkəmləndirmək və Venesuela ilə bağlı baş verənləri digər Latın Amerikası ölkələri üçün nümunəyə çevirmək məqsədilə güc tətbiq edir.

O həmçinin qeyd edib ki, Latın Amerikası siyasi məkanında Şimali Amerikanın hərbi müdaxiləsinin rədd edilməsinə dair artıq kifayət qədər aydın və müsbət mövqe formalaşmaqdadır.