U-17 Avropa çempionatında daha beş Azərbaycan boksçusu 1/4 finala yüksəldi

Monteneqronun Budva şəhərində keçirilən U-17 Avropa çempionatında Azərbaycan millisinin daha beş boksçusu 1/4 finala yüksəlib.

Beş boksçumuz qalib gəldi

Həsrət Məmmədov (46 kq) rusiyalı Camal Dustiyevi 5:0 (30:27, 29:28, 29:28, 29:28, 30:27) hesabı ilə məğlub edib. O, 1/4 finalda slovakiyalı Kristian Mezeslə qarşılaşacaq.

Qardaş Rəhimov (54 kq) irlandiyalı Şon Kellini 3:2 (28:29, 28:29, 29:28, 29:28, 29:28) hesabı ilə üstələyib. Növbəti mərhələdə onun rəqibi belaruslu Nikita Beskaravayni olacaq.

Əli Abaslı (60 kq) türkiyəli Zeki Uğuru 5:0 (30:27, 30:27, 30:27, 30:27, 29:28) hesabı ilə yenib. Abaslı 1/4 finalda moldovalı Aleksandru-Ahile Buhanuyukla döyüşəcək.

Yusif Həsənli (66 kq) xorvatiyalı Lukas Fulanoviçə 5:0 (30:27, 30:27, 30:27, 29:28, 30:27) hesabı ilə qalib gəlib. O, növbəti görüşdə italiyalı Raul Barone ilə üz-üzə gələcək.

Hidayət Məmmədov (70 kq) isveçrəli Joel Şutsa üzərində 5:0 (30:27, 30:27, 30:27, 30:27, 30:27) hesablı qələbə qazanıb. Onun 1/4 finaldakı rəqibi rusiyalı Sandro Tsimtsba olacaq.

Növbəti döyüşlər oktyabrın 8-də

Azərbaycan boksçuları 1/4 final görüşlərinə oktyabrın 8-də çıxacaqlar. Daha əvvəl millinin altı üzvü bu mərhələyə yüksəlib, üç boksçu isə 1/8 final döyüşündə iştirak edəcək.