OMM Redaksiyası
Azərbaycanın 17 yaşadək oğlan boksçulardan ibarət millisi Monteneqronun Budva şəhərində keçirilən Avropa çempionatında üçüncü yeri tutub. Komanda turnirdə bir qızıl, iki gümüş və iki bürünc medal qazanıb.
Oğlan və qızların birlikdə yer aldığı ümumi komanda hesabında Azərbaycan yığması dördüncü olub. Azərbaycan boksçuları çempionatı ümumilikdə iki qızıl, üç gümüş və üç bürünc medalla başa vurublar.
Məhəmmədəli İstamov (57 kq) və Cəmilə Muradlı (57 kq) qızıl medal əldə ediblər. Həsrət Məmmədov (46 kq), İsmayıl Nəsirzadə (52 kq) və Səma Abbasova (66 kq) gümüş mükafata layiq görülüblər.
Qardaş Rəhimov (54 kq), Hidayət Məmmədov (70 kq) və Xumar Cəfərli (+80 kq) isə çempionatda bürünc medal qazanıblar.
Kontekst
Oktyabrın 9-da Azərbaycan millisinin U-17 Avropa çempionatında yarımfinala yüksələn boksçularının sayı səkkizə çatmışdı.
