OMM Redaksiyası
Budvada təşkil olunacaq boks üzrə U-17 Avropa çempionatının püşkatması keçirilib. Yarışda 40 ölkədən 473 idmançı — 314 oğlan və 159 qız iştirak edəcək. Çempionatın qalibləri oktyabrın 11-də bəlli olacaq.
3 oktyabr: 1/16 finalda Əli Abaslı (60 kq) belçikalı Abdurahim Sou ilə, Yusif Həsənli (66 kq) portuqaliyalı Adrian Silva ilə, Hidayət Məmmədov (70 kq) ukraynalı Demid Kloçko ilə, Yusif Ağakişiyev (75 kq) isə rumıniyalı Eduard Tancerika ilə qarşılaşacaq.
4 oktyabr: Şükar Əliyev (80 kq) 1/16 finalda polşalı İqor Tomiçeklə döyüşəcək. 1/8 finalda Aydan İsmayıllı (48 kq) irlandiyalı Meysi Daffi O Konnor, Alsu Yafarova (54 kq) belaruslu Hanna Belyankova, Cəmilə Muradlı (57 kq) rumıniyalı Sara Persa, Fidan Bakarova (63 kq) isə yunanıstanlı Dimitra Karpocilou ilə üz-üzə gələcək.
5 oktyabr: 1/16 finalda Nihad Məmmədli (48 kq) ispaniyalı Lasaro Ernandeslə, İsmayıl Nəsirzadə (52 kq) şimali makedoniyalı İlir Selmani ilə, Məhəmmədəli Rüstəmov (63 kq) almaniyalı Kusai Kakahla qarşılaşacaq. 1/8 finalda Aysel Fərəcova (46 kq) türkiyəli Saliha Pehlivan, Leyla Mahmudlu (52 kq) polşalı Adrianna Şafaj, Səma Abbasova (66 kq) irlandiyalı Robin O Reyli ilə döyüşəcək. Mehran Rəsulovun (+80 kq) rəqibi belaruslu Aliaksandr Builov və ya macarıstanlı Levente Lorant olacaq.
Digər görüşlər
6 oktyabr: Həsrət Məmmədov (46 kq), Vaqif Məhəmmədli (50 kq) və Qardaş Rəhimov (54 kq) 1/8 finalda müvafiq olaraq Moldova və ya Rusiya, Rumıniya və ya Latviya, Ermənistan və ya İrlandiya boksçularından biri ilə qarşılaşacaq.
7 oktyabr: Məhəmmədəli İstamov (57 kq) 1/8 finalda irlandiyalı Martin Donovan və ya bolqarıstanlı Stoyan Hristoskovla döyüşəcək. Xumar Cəfərli (+80 kq) isə 1/4 finalda rumıniyalı Aleksandra Liteanu ilə qarşılaşacaq.
