Türkiyədə qanunsuz onlayn qumar oyunları təşkil etməkdə və müxtəlif növ dələduzluqda şübhəli bilinən 293 nəfər saxlanılıb.
“Operativ Məlumat Mərkəzi-OMM” "A Haber" ə istinadən xəbər verir ki, Daxili İşlər Nazirliyinin 34 şəhər və qəsəbədə keçirdiyi əməliyyat nəticəsində saxlanılan şəxslərdən 159 nəfər barəsində məhkəmənin qərarı ilə həbs-qətimkan tədbiri seçilib.
Saxlanılanlardan 94-ü isə şərti azadlığa buraxılıblar .
Onlar qanunsuz onlayn qumar oyunları təşkilində və sosial şəbəkə vasitəsilə saxta elanlarla vətəndaşlara qarşı dələduzluqda ittiham edilirlər.
