Afət Ziyadqızı
ABŞ Prezidenti Donald Tramp 2026-cı ilin may ayını “Milli Fiziki Sağlamlıq və İdman Ayı” elan edib və ölkə vətəndaşlarını daha aktiv həyat tərzinə çağırıb.
"Operativ Məlumat Mərkəzi-OMM" xəbər verir ki, müvafiq elan Ağ Evin rəsmi saytında dərc olunub.
Məlumata görə, prezident mesajında hökumət rəsmilərini, təhsil işçilərini, idmançıları və ümumilikdə ABŞ əhalisini, xüsusilə də gəncləri mütəmadi fiziki aktivliklə məşğul olmağa təşviq edib.
“Mən 2026-cı ilin mayını Milli Fiziki Sağlamlıq və İdman Ayı elan edirəm. Vətəndaşları idman və fiziki fəaliyyətə daha çox cəlb etməyə çağırıram. Bu, millətin gücünün möhkəmlənməsinə töhfə verəcək”, – deyə Tramp bildirib.
Qeyd edilib ki, ABŞ Xəstəliklərə Nəzarət və Profilaktika Mərkəzləri CDC-nin məlumatına əsasən, ölkə əhalisinin 40,3%-i müxtəlif dərəcəli piylənmədən əziyyət çəkir. 1990-cı illərin əvvəllərində bu göstərici 22,9% idi.
Eyni zamanda uşaqlar və yeniyetmələr arasında piylənmənin səviyyəsinin 21,1%-ə yüksələrək rekord həddə çatdığı bildirilir.
