Afət Ziyadqızı
Fevralın 26-dan sonra ilk dəfə İranın paytaxtı Tehrandan Moskvaya birbaşa uçuş həyata keçirilib.
"Operativ Məlumat Mərkəzi-OMM"xəbər verir ki, bu barədə "RİA Novosti" Moskvanın Şeremetyevo hava limanının məlumat xidmətinə istinadən məlumat yayıb.
Məlumata görə, İranın “Mahan Air” aviaşirkətinə məxsus təyyarə Tehranın İmam Xomeyni Beynəlxalq Hava Limanından (IKA) Moskva istiqamətində yola düşüb. Uçuşun Moskva vaxtı ilə saat 09:18-də Şeremetyevo hava limanının C terminalına eniş etməsi planlaşdırılıb.
Qeyd edilib ki, bu reys fevralın 26-dan bəri Tehran–Moskva marşrutu üzrə ilk uçuş kimi qeydə alınıb.
