Afət Ziyadqızı
İranda hava nəqliyyatı ilə bağlı yeni məlumatlar açıqlanıb.
"Operativ Məlumat Mərkəzi-OMM" xəbər verir ki, İran Hava Limanları Şirkətinin rəhbəri bildirib ki, İmam Xomeyni hava limanından Oman və Türkiyəyə uçuşların həyata keçirilməsi planlaşdırılır.
Məlumata əsasən, Tehranın Mehrabad hava limanı da məhdud sayda uçuşlara xidmət göstərməyə hazır vəziyyətə gətirilib. Ölkənin hava məkanına nəzarət mərkəzinin isə tam işlək olduğu bildirilib.
Rəsmi şəxs qeyd edib ki, cənub-şərqdə yerləşən Kirman və Yəzd hava limanları yenidən istifadəyə açılıb. Həmçinin Məşhəd–Məsqət istiqamətində uçuşların bərpası ehtimalı da nəzərdən keçirilir.
