Afət Ziyadqızı
“Rossiya Seqodnya” beynəlxalq media qrupunun və “RT” telekanalının baş redaktoru Marqarita Simonyan Rusiyanın Krasnodar diyarının Novorossiysk şəhərində Ukrayna pilotsuz uçuş aparatlarının hücumlarından zərərçəkənlərə yardım təklif edib.
“Operativ Məlumat Mərkəzi-OMM” xəbər verir ki, Simonyan bu barədə “Maks” platformasında yayımladığı audio müraciətdə danışıb.
“Bütün sözləri sonra deyəcəyik. İndi kimə yardım lazımdırsa, yazın”, – Simonyan bildirib.
Çərşənbə gününə keçən gecə Ukrayna Silahlı Qüvvələrinin Novorossiysk şəhərinə hücum etdiyi bildirilir.
Krasnodar diyarının qubernatoru Veniamin Kondratyev daha əvvəl açıqlayıb ki, hadisə nəticəsində dörd nəfər, o cümlədən bir uşaq həlak olub.
Yaralanan 29 nəfərdən üçünün vəziyyətinin ağır olduğu bildirilib.
Hücum nəticəsində üç fərdi yaşayış evinə və beş çoxmənzilli binaya ziyan dəyib. Pravoslav məbədinin və uşaq bağçasının binaları da zərər görüb.
