Afət Ziyadqızı
İran Silahlı Qüvvələri Vaşinqtonun regiondakı hərbi-siyasi həmlələrinə qarşı barışmaz mövqe nümayiş etdirərək, ABŞ tərəfindən atılacaq hər hansı yanlış addıma dərhal və adekvat cavab veriləcəyi barədə növbəti dəfə xəbərdarlıq edib.
“Operativ Məlumat Mərkəzi-OMM” xəbər verir ki, bu barədə İran dövlət televiziyası hərbi rəsmilərin bəyanatlarına istinadən məlumat yayıb.
Məlumata görə, İran İnqilabı Keşikçiləri Korpusunun (SEPAH) nümayəndəsi generall Kərəmi Fars körfəzində yerləşən strateji İran adalarına səfəri zamanı regiondakı təhlükəsizlik vəziyyətini qiymətləndirib. O, Vaşinqtonla davam edən hərbi gərginliyə toxunaraq bildirib ki, İran Silahlı Qüvvələri düşmənin sahədəki hər cür yanlış hesablamasına və ya təxribatına qarşı ən güclü şəkildə cavab verməyə tam hazır vəziyyətdədir.
Paralel olaraq, İran Milli Təhlükəsizlik Ali Şurasının baş katibi Möhsün Rzai də Tehranın Vaşinqtona olan etimadsızlığını vurğulayıb. Rzai rəsmi Tehranın ABŞ-yə heç bir şəkildə inanmadığını və münasibətlərin normallaşması üçün ilk növbədə qarşı tərəfin praktiki adekvat addımlar atmasının vacibliyini diqqətə çatdırıb.
