OMM Redaksiyası
“Samsunspor”un rəqibi ilə görüşündə ilk təhlükəli epizod 15-ci dəqiqədə yaranıb. Bayo-nun ötürməsindən sonra zərbə vuran Coulibaly-in cəhdini qapıçı Bahadır Göngördü dəf edib.
25-ci dəqiqədə Masuaku-nun sağ cinahdan cərimə meydançasına ötürməsindən sonra Colley-in zərbəsi qapıdan az fərqlə yuxarı gedib. Dörd dəqiqə sonra Bayo-nun ötürməsindən sonra Coulibaly boş mövqedə topa toxuna bilməyib və müdafiəçilər təhlükəni uzaqlaşdırıblar. 31-ci dəqiqədə Sekongo qapıçı ilə üzbəüz qalsa da, Bahadır Göngördü onun zərbəsini dəf edib.
“Samsunspor” 39-cu dəqiqədə hesabı açıb. Coulibaly-in ötürməsindən sonra Sekongo dəqiq zərbə ilə topu qapıya göndərib. İlk hissə meydan sahiblərinin 1:0 hesablı üstünlüyü ilə başa çatıb.
64-cü dəqiqədə Dompe-nin ötürməsindən sonra Enis Destan başla zərbə endirib, top qapıdan az fərqlə yuxarı keçib. 68-ci dəqiqədə Andzouana-nın cərimə meydançasından vurduğu top dirəyin yanından auta çıxıb. Görüş “Samsunspor”un 1:0 hesablı qələbəsi ilə yekunlaşıb. Komanda liqada səkkiz matçdan sonra qalib gəlib.
