Şəhriyar Məmmədyarov Budapeştdə daha iki xal qazandı

Azərbaycan şahmatçısı Şəhriyar Məmmədyarov Macarıstanın paytaxtı Budapeştdə keçirilən “Total Chess World Championship Tour Pilot 2026” turnirində növbəti oyunlarını keçirib.

Məmmədyarov noyabrın 13-də C qrupunun üçüncü raundunda ABŞ təmsilçisi Abhimanyu Mişra ilə üz-üzə gəlib. Azərbaycanlı qrossmeyster əvvəlcə qara, sonra ağ fiqurlarla oynayıb. Hər iki partiya heç-heçə ilə yekunlaşıb.

C qrupunda vəziyyət

Turnirin qaydalarına görə, qələbəyə üç, heç-heçəyə bir xal verilir. Gün ərzində iki xal qazanan Məmmədyarov ümumi xalını yeddiyə çatdırıb.

Üçüncü raunddan sonra qrupa 10 xalla Ermənistan təmsilçisi Hayk Martirosyan başçılıq edir. Niderlandlı Aniş Giri doqquz xalla ikinci, rusiyalı Yan Nepomnyaşi yeddi xalla üçüncüdür. Məmmədyarov da yeddi xal toplasa da, əlavə göstəricilərə görə dördüncü yerdədir. Maqnus Karlsen və Abhimanyu Mişranın hərəsinin beş xalı var.

Məmmədyarov dördüncü raundda Karlsenlə qarşılaşacaq. İlk partiyada azərbaycanlı şahmatçı qara, ikinci partiyada isə ağ fiqurlarla oynayacaq.

C qrupunda altı şahmatçı mübarizə aparır və hər iştirakçı 10 partiya keçirəcək. Qrup mərhələsi noyabrın 15-də başa çatacaq.

Kontekst

Noyabrın 12-də Məmmədyarov Yan Nepomnyaşi ilə hər iki partiyanı heç-heçə başa vurmuşdu.