OMM Redaksiyası
“Mançester Yunayted”in sistemində çalışmış məşqçi Rene Mölensten yarımmüdafiəçi Bruno Fernandesin klubdan ayrılmasına qarşı olmadığını bildirib. O, komandanın portuqaliyalı futbolçu ilə yollarını ayırmasının mümkün olduğunu düşünür.
Mölenstenin sözlərinə görə, Fernandes uzun illər “Mançester Yunayted”də çox yaxşı çıxış edib, lakin cari mövsümdə əvvəlki nəticələrini göstərə bilmir. Məşqçi futbolçunun klubda və onun ətrafında yaranmış mənfi atmosferdən psixoloji baxımdan təsirlənmiş ola biləcəyini də qeyd edib.
“Düşünürəm ki, o, komandada yaxşı oynayıb, amma klubdan ayrılmaq qərarı versə, buna görə çox üzülmərəm. Məncə, ayrılmalı olan başqa futbolçular da var. Komandaya fərqli dinamika lazımdır”, – deyə Mölenstenin sözlərini talkSPORT yayıb.
