“Mançester Siti” ilə bağlı qərarın 2027-ci ilin yanvarında açıqlanacağı gözlənilir

“Mançester Siti”nin İngiltərə Premyer Liqasının maliyyə qaydalarının pozulması işi üzrə apellyasiyasına dekabrın ortalarında baxılacaq. Financial Times-ın məlumatına görə, dinləmə bir neçə gün davam edə bilər.

İşə baxmaq üçün yaradılmış müstəqil komissiyanın qərarını 2027-ci ilin yanvarının ilk günlərində açıqlaması gözlənilir. Bundan sonra kluba tətbiq ediləcək sanksiyalar müəyyənləşdiriləcək.

Cəzanın nə vaxt qüvvəyə minəcəyi hələ məlum deyil. Sanksiyalardan da apellyasiya şikayəti verilə biləcəyi üçün proses daha da uzana bilər.

“Mançester Siti” daha əvvəl 115 epizoddan 114-ü üzrə təqsirli bilinib. İttihamlar maliyyə məlumatlarının düzgün təqdim edilməməsi, futbolçulara və məşqçilərə ödənişlər, eləcə də maliyyə nəzarəti tələblərinə əməl edilməməsi ilə bağlıdır.