Pakistanın Baş naziri Şahbaz Şərif ABŞ və İran arasında Anlaşma Memorandumunun imzalanmasında vasitəçi qismində iştirak edib.
“Operativ Məlumat Mərkəzi-OMM” xəbər verir ki, bu barədə Pakistan Baş nazirinin Ofisi tərəfindən yayımlanan videoda məlumat verilib.
Məlumata görə, memorandum cümə axşamı günü imzalanıb və sənədin rəsmiləşdirilməsi prosesində Pakistan hökuməti vasitəçilik missiyasını həyata keçirib.
Videoda Baş nazir Şahbaz Şərifin tərəflər arasında əldə olunan razılaşmanın imzalanması mərasimində iştirak etdiyi əks olunub.
Qeyd edək ki, son günlər ABŞ və İran arasında əldə olunan razılaşma beynəlxalq ictimaiyyət tərəfindən Yaxın Şərqdə gərginliyin azaldılması istiqamətində mühüm addım kimi qiymətləndirilir.
