OMM Redaksiyası
Pakistanın Baş naziri Şahbaz Şərif yaxın vaxtlarda Rusiyaya səfər edəcək.
"Operativ Məlumat Mərkəzi-OMM" xəbər verir ki, bu barədə ölkənin Moskvadakı səfiri Faysal Niyaz Tirmizi məlumat verib.
"TASS" agentliyinə müsahibə verən diplomat qeyd edib ki, səfərin iyun və ya iyul aylarında baş tutacağı gözlənilir.
Onun sözlərinə görə, Baş nazir Rusiya Prezidenti Vladimir Putinlə görüşü səbirsizliklə gözləyir və ona böyük hörmət bəsləyir. Həmçinin vurğulanıb ki, Moskva uzun illərdir Pakistanın inkişaf üzrə tərəfdaşıdır.
Xatırladaq ki, bir müddət əvvəl Pakistan Prezidenti Asif Əli Zərdari rusiyalı həmkarını Böyük Vətən müharibəsində qələbənin 81 illiyi münasibətilə təbrik etmişdi. Dövlət başçısı öz müraciətində İslamabadın Rusiya ilə ikitərəfli əməkdaşlığı daha da möhkəmləndirmək əzmində olduğunu bir daha təsdiqləyib.
