Rusiya Suriyanın şimal-şərqindəki Qamışlı aerodromunda yerləşən hərbi kontingentini geri çəkməyə başlayıb. Bu addım Dəməşq hökumətinin bölgədəki kürd qüvvələrindən nəzarəti ələ keçirmək cəhdləri fonunda atılır.
"Operativ Məlumat Mərkəzi-OMM" xəbər verir ki, bu barədə "Reuters" agentliyi Suriyadakı mənbələrinə istinadən məlumat yayıb.
Agentliyin qeyd etdiyinə görə, cari ay ərzində Suriyanın keçid dövrü üzrə prezidenti Əhməd əş-Şaranın rəhbərlik etdiyi hökumət qüvvələri kürdlərin nəzarətində olan "Suriya Demokratik Qüvvələri"ndən ölkənin şimal və şərq hissələrini geri alıb.
Bununla da Dəməşq bütün ölkə ərazisində öz hakimiyyətini bərpa etməyə çalışır.
"Reuters" jurnalistləri bazar ertəsi günü Qamışlı hava limanında hələ də Rusiya bayraqlarının dalğalandığını və uçuş zolağında Rusiya markalanması olan iki təyyarənin dayandığını müşahidə ediblər.
Xatırladaq ki, yanvarın 28-də Əhməd əş-Şaranın Moskvaya səfəri və Rusiya lideri Vladimir Putinlə görüşü planlaşdırılır.
