OMM Redaksiyası
Rusiya hökuməti bəzi yanacaq növlərinin birbaşa istehsalçılar tərəfindən ölkədən ixracına tətbiq edilən müvəqqəti qadağanı uzadıb.
“Operativ Məlumat Mərkəzi-OMM” xəbər verir ki, Rusiya KİV məlumat yayıb.
Bildirilib ki, dizel və gəmi yanacağının, həmçinin qazoylların birbaşa istehsalçılar tərəfindən Rusiyadan ixracına qoyulan məhdudiyyət 31 oktyabradək uzadılıb.
Qərarın ölkənin daxili yanacaq bazarında sabitliyin qorunması məqsədilə qəbul edildiyi bildirilib. Xüsusilə məhsul yığımı mövsümündə avtomobil yanacağına tələbatın yüksək olması nəzərə alınıb.
Qeyd edək ki, Rusiyada yanacağın ümumi ixracına tətbiq edilən qadağa 31 yanvar 2027-ci ilədək qüvvədə olacaq.
Bununla yanaşı, dizel yanacağı, gəmi yanacağı və qazoylların birbaşa istehsalçıları üçün nəzərdə tutulan əvvəlki məhdudiyyətin müddəti bu gün başa çatırdı.
