OMM Redaksiyası
Azərbaycan Cüdo Federasiyasının (ACF) icraçı vitse-prezidenti Rəşad Rəsullu Bakıda keçiriləcək cüdo üzrə dünya çempionatının püşkatma mərasimində çıxış edib.
O, Azərbaycanın növbəti dəfə dünya çempionatına ev sahibliyi etməsini və beynəlxalq cüdo ailəsini paytaxtda qarşılamağı böyük şərəf adlandırıb.
Rəsullu ölkədə idmanın inkişafına göstərilən diqqəti və idmançılara verilən dəstəyi vurğulayıb. Onun sözlərinə görə, Prezident İlham Əliyevin rəhbərliyi ilə müasir idman infrastrukturunun yaradılması, idmançıların dəstəklənməsi və nüfuzlu beynəlxalq yarışların Azərbaycanda keçirilməsi istiqamətində mühüm işlər görülüb.
Cüdo üzrə dünya çempionatı oktyabrın 4-dən 11-dək Milli Gimnastika Arenasında təşkil olunacaq.
