OMM Redaksiyası
Portuqaliya millisinin hücumçusu Qonsalu Ramuş Millətlər Liqasında Danimarka üzərində qazanılan 4:2 hesablı qələbədən sonra Kriştiano Ronaldo ilə bağlı vəziyyəti şərh edib. O, hadisənin komandanın oyununa təsir göstərmədiyini deyib.
“Bu hadisə bizə təsir etmədi. Hər oyunda qalib gəlmək istəyirik və bu gün bunu bacardıq”, – deyə Ramuşun sözlərini jurnalist Fabritsio Romano yayıb.
Ronaldo qarşılaşmadan bir gün əvvəl Portuqaliya millisinin düşərgəsini tərk edib. 41 yaşlı hücumçu baş məşqçi Jorje Jezusun mətbuat konfransından və Portuqaliya Futbol Federasiyasının prezidenti ilə söhbətdən sonra Danimarkadan şəxsi təyyarə ilə ayrılıb.
Ronaldo daha sonra qərarının səbəbləri barədə vaxtı gələndə həqiqəti danışacağını bildirib.
