OMM Redaksiyası
Belarus yığmasının baş məşqçisi Viktor Qonçarenko UEFA Millətlər Liqasının C Liqasının 1-ci qrupunda San-Marinoya qarşı keçiriləcək V tur matçı barədə fikirlərini bölüşüb. Görüş noyabrın 12-də San-Marinonun Serravalle şəhərindəki “San Marino Stadium”da keçiriləcək. Qarşılaşma Bakı vaxtı ilə saat 23:45-də başlayacaq.
Qonçarenko komandanın qarşılaşmada əsas hədəfinin qələbə olub-olmadığı barədə suala cavabında bildirib ki, Belarus əvvəlki oyunlarda da Albaniya və Finlandiya yığmalarına qalib gəlməyə çalışıb.
“Həmişə qələbəyə can atmaq düzgün yanaşmadır. Bunun necə nəticələnəcəyinə oyunun özü cavab verir. Komandaya daim xatırladırıq ki, qarşımızda hansı rəqibin olmasının fərqi yoxdur. İstənilən rəqib üzərində qələbəyə görə üç xal verilir”, – deyə baş məşqçi vurğulayıb.
Albaniya və Finlandiya yığmalarının paralel oyununu izləyib-izləməyəcəkləri barədə suala isə Qonçarenko “Xeyr, əlbəttə. Özümüzün hələ oyun keçirməli olduğumuz halda bunun nə əhəmiyyəti var?” cavabını verib.
