Azərbaycan Dakar-2026-da medal sıralamasında 12-ci yerə gerilədi

Seneqalın paytaxtı Dakarda keçirilən Yeniyetmələrin IV Yay Olimpiya Oyunlarının 12-ci yarış günü başa çatıb. Azərbaycan komandası günü bir gümüş medalla tamamlayıb və medal sıralamasında bir pillə geriləyib.

Üç qızıl və iki gümüş medalı olan Azərbaycan hazırda 12-ci yerdədir. İlk üçlükdə dəyişiklik olmayıb: Çin 16 qızıl, səkkiz gümüş və altı bürünc medalla, ümumilikdə 30 medal ilə liderdir. Yaponiya doqquz qızıl, səkkiz gümüş və doqquz bürünc medalla ikinci, günü bir bürünc medalla başa vuran Rusiya isə səkkiz qızıl, dörd gümüş və iki bürünc medalla üçüncüdür.

Medal sıralaması

Misir altı qızıl, bir gümüş və beş bürünc medalla dördüncü, Efiopiya isə beş qızıl və üç gümüş medalla beşinci yerdədir. Ümumilikdə 95 ölkənin idmançıları medal qazanıb, onlardan 75-i ən azı bir qızıl medal əldə edib.

Azərbaycanın qızıl medallarını cüdoçu İbrahim Talıbov (55 kq), çimərlik güləşçiləri Tunar Quliyev (70 kq) və Elgün Kərimli (90 kq) qazanıblar. Çimərlik güləşçisi Nihad Süleymanlı (80 kq) və taekvondoçu Adil Kazımlı (73 kq) gümüş medal əldə ediblər.

Dakar-2026-ya noyabrın 13-də yekun vurulacaq.

Kontekst

Noyabrın 8-də, Oyunların doqquzuncu yarış gününün yekununda Azərbaycan üç qızıl və bir gümüş medalla medal sıralamasında yeddinci yerdə qərarlaşmışdı.