Qəzzada atəşkəs dövründə 1286 fələstinlinin həlak olduğu bildirilir.
“Operativ Məlumat Mərkəzi – OMM” xəbər verir ki, Qəzzadakı hökumətin media ofisinin hesabatına əsasən, 10 oktyabr 2025-ci ildən qüvvədə olan atəşkəs 315 gün ərzində İsrail tərəfindən 4 min 379 dəfə pozulub.
Hesabata görə, hücumlar nəticəsində 1286 nəfər ölüb, 4 min 257 nəfər yaralanıb, 180 nəfər isə girov götürülüb. Dağıntılar altında 8 mindən çox insanın qaldığı, 813 nəfərin cəsədinin dağıntılardan çıxarıldığı bildirilir.
Humanitar yardım məsələsində də ciddi məhdudiyyətlərin olduğu qeyd edilir. Planlaşdırılan 189 min yardım yük maşınından yalnız 66 min 607-si Qəzzaya daxil olub.
Qəzza hökuməti humanitar böhrana görə İsraili məsul tutaraq beynəlxalq vasitəçilərdən təzyiqləri artırmağı tələb edib.
Danışıqlarla bağlı isə “HƏMAS”ın atəşkəsin ikinci mərhələsinə dair yol xəritəsini qəbul etdiyi, İsrailin Baş naziri Binyamin Netanyahunun isə 15 maddəlik sülh planını rədd etdiyi bildirilib.
