Afət Ziyadqızı
Rusiya Prezidentinin mətbuat katibi Dmitri Peskov, Ukrayna Prezidenti Volodimir Zelenskinin Belarusa yönəlik bəyanatlarına sərt reaksiya verib. Buna səbəb, rəsmi Moskvun sözügedən bəyanatları suveren bir dövlətin daxili işlərinə açıq müdaxilə və aqressiv təhdid kimi qiymətləndirməsidir.
"Operativ Məlumat Mərkəzi-OMM" xəbər verir ki, bu barədə məlumat Kremlin sözçüsünün keçirdiyi son brifinqdə verdiyi rəsmi açıqlamalara istinadən hazırlanan hesabatda yer alıb.
Məlumata görə, mətbuat katibi yaxın gələcəkdə Rusiya Prezidenti Vladimir Putin və Belarus lideri Aleksandr Lukaşenko arasında mühüm bir görüşün planlaşdırıldığını diqqətə çatdırıb. Bildirilib ki, dövlət başçıları bu görüş çərçivəsində regionda yaranan cari gərginliyi və təhlükəsizlik məsələlərini ətraflı müzakirə etmək imkanı qazanacaqlar.
Dmitri Peskov Ukrayna tərəfindən gələn bəyanatların xarakterini tənqid edərək bu fikirləri vurğulayıb:
“Əlbəttə ki, təhdidlər tamamilə, tamamilə aqressivdir... başqa bir ölkənin daxili işlərinə müdaxilə. Və başqa bir ölkənin suverenliyinə qəsddir. Şübhəsiz ki, Belarus rəhbərliyi, Belarusun özü öz suverenliyini təmin etməyə qadirdir”.
