OMM Redaksiyası
FIFA prezidenti Canni İnfantino ABŞ Konqresində Trampla əlaqələri barədə aparılan araşdırma çərçivəsində ifadə verməyə çağırıla bilər. “The Telegraph” bu barədə məlumat yayıb.
İnfantinoya çağırış vərəqəsinin 2027-ci ilin yanvarında göndərilməsi mümkündür. Araşdırmanı ABŞ Nümayəndələr Palatasının Hüquq komitəsinin üzvü Ceymi Raskin aparır. Aralıq seçkilərdə Demokratlar Partiyasının qələbəsindən sonra Raskin komitəyə rəhbərlik edə, şahidlərin məcburi qaydada çağırılması və sənədlərin tələb olunması səlahiyyəti əldə edə bilər.
Araşdırma FIFA-nın Tramp administrasiyası ilə əlaqələrini, “Trump Tower”də ofis sahələrinin icarəsini, eləcə də təşkilatın kommersiya əməliyyatlarındakı payının ABŞ prezidentinin ailəsi ilə əlaqəli özəl investorlara satılması cəhdini əhatə edir.
Araşdırma 2026-cı ilin iyulunda başlayıb.
