“Mançester Yunayted” Karrikin işdən çıxarılması əvəzinə məşqçi heyətini gücləndirə bilər

“Mançester Yunayted” rəhbərliyi baş məşqçi Maykl Karriki istefaya göndərməkdənsə, onun məşqçilər heyətini gücləndirmək variantını nəzərdən keçirir. BBC bu barədə məlumat yayıb.

Baş məşqçinin köməkçisi vəzifəsinə namizədlərdən biri “Bavariya”da Vensan Kompaninin məşqçilər korpusunda yer alan Aaron Danksdır. O, daha əvvəl Karriklə “Midlsbro”da birlikdə çalışıb və ötən yay da “Mançester Yunayted”də işləmək üçün namizəd kimi nəzərdən keçirilib.

Bununla yanaşı, klubun baş icraçı direktoru Omar Berrada və idman direktoru Ceyson Uilkoksun rəhbərliyə Karrikin işdən çıxarılmasını tövsiyə edəcəyi gözlənilir.

Yekun qərar klubun ortaq sahibi Cim Retkliff ilə noyabrın 11-də Monakoda keçiriləcək görüşdə qəbul oluna bilər.