OMM Redaksiyası
“Mançester Yunayted”in ortaq sahibi Cim Retklif bu gün Monakoda görüş keçirəcək. Jurnalist Ben Ceykobsun X sosial şəbəkəsindəki məlumatına görə, görüşdə Maykl Karrikin baş məşqçi vəzifəsindən ayrılmasının təsdiqlənəcəyi gözlənilir.
Məlumata əsasən, klubun baş direktoru Omar Berada və idman direktoru Ceyson Uilkoks Karriklə əməkdaşlığa xitam verilməsi barədə tövsiyəni rəsmi şəkildə təqdim edəcəklər.
Boş qalacaq vəzifəyə əsas namizədlərdən biri ABŞ millisinin baş məşqçisi Maurisio Poçettinodur. Onun müqaviləsində komandadan vaxtından əvvəl ayrılmağa imkan verən bənd var. BBC daha əvvəl Poçettinonun “Mançester Yunayted”ə rəhbərlik etməyə hazır olduğunu yazıb.
Karrikin sabah klubun “Karrinqton”dakı məşq bazasına gələcəyi və istefası barədə rəsmi bildiriş gözləyəcəyi bildirilir.
