OMM Redaksiyası
“Mançester Yunayted”in baş məşqçisi Maykl Kerrik İngiltərə Premyer Liqasının 11-ci turunda “Aston Villa” ilə 4:4 hesablı heç-heçədən sonra klubdakı gələcəyi ilə bağlı sualları cavablandırıb.
“Sky Sports”un jurnalisti Patrik Devison Kerrikdən klubun maraqları naminə vəzifəsindən özü ayrılmağa hazır olub-olmadığını soruşub. Mütəxəssis qısa şəkildə “Xeyr, bu baş verməyəcək” cavabını verib.
Jurnalist onun gələcəyi barədə rəhbərliklə söhbət gözləyib-gözləmədiyini soruşduqda Kerrik sualı jurnalistə ünvanlayıb. Daha sonra o, komandanın kifayət qədər qələbə qazanmadığını bildirib və işini davam etdirmək niyyətində olduğunu vurğulayıb.
“Bu gün göstərdiyimiz yaxşı məqamların çoxunu qorumağa, bəzi səhvləri düzəltməyə və futbol matçlarında qalib gəlməyə başlamağa çalışacağam”, – Kerrik deyib.
İngiltərə çempionatında 10 oyundan sonra “Mançester Yunayted” 8 xalla turnir cədvəlinin 18-ci pilləsində qərarlaşıb. Komanda Premyer Liqada ardıcıl səkkiz görüşdür qələbə qazana bilmir.
