Afət Ziyadqızı
Rusiya Prezidenti Vladimir Putin region rəhbərlərinin istefası ilə bağlı qərarı qəbul etməzdən əvvəl onlarla danışıb.
“Operativ Məlumat Mərkəzi-OMM” xəbər verir ki, bu barədə Kremlin mətbuat katibi Dmitri Peskov jurnalistlərin suallarına cavab verərkən bildirib.
Peskov qeyd edib ki, Rusiya Prezidenti Vladimir Putin ilə Belqorod və Bryansk vilayətlərinin qubernatorları arasında mütəmadi əlaqə olub və bu, dövlət idarəçiliyində normal praktikadır.
Məlumata əsasən, Vyaçeslav Qladkov və Aleksandr Boqomaz mayın 13-də vəzifələrindən azad ediliblər.
Onların yerinə müvafiq olaraq Aleksandr Şuvayev və Yeqor Kovalçuk müvəqqəti icraçı rəhbərlər təyin olunublar.
Kreml sözçüsü vurğulayıb ki, region rəhbərləri dövlət başçısı ilə daima əlaqədə olublar və istefa prosesi əvvəlcədən müzakirə olunub.
