Rusiyaya Ukraynanın ABŞ Prezidenti Donald Trampın Ukrayna münaqişəsinin həlli üzrə yeni planı üzrə danışıqlara razılıq verməsi barədə hələlik heç bir məlumat daxil olmayıb.
"Operativ Məlumat Mərkəzi-OMM" xəbər verir ki, bunu Kremlin mətbuat katibi Dmitri Peskov bildirib.
Ukraynalı deputat Oleksiy Honçarenko Donald Trampın sülh planının 28 bəndini dərc edib.
“Financial Times” yazır ki, Ukrayna rəsmiləri sənədi tənqid edib və düzəlişlər edilmədən onu qəbuledilməz hesab ediblər, baxmayaraq ki, Vaşinqton Zelenskinin onu noyabrın 27-dək imzalamasını gözləyir. Plana NATO-dan imtina, yeni sərhədlər, bufer zona, Ukrayna Silahlı Qüvvələri üçün məhdudiyyətlər və dondurulmuş Rusiya aktivlərindən istifadə daxildir.
