Afət Ziyadqızı
ABŞ Ukraynaya təsir göstərə bilər, lakin bu məsələdə Avropa İttifaqı ilə ziddiyyət yaşayır.
“Operativ Məlumat Mərkəzi-OMM” xəbər verir ki, bunu Rusiya Prezidenti Vladimir Putinin köməkçisi, Rusiya Dəniz Kollegiyasının sədri Nikolay Patruşev deyib.
Patruşev bildirib ki, ABŞ Ukraynaya təsir göstərə bilsə də, bu təsir yalnız Vaşinqtonla məhdudlaşmır.
“Amerikalılar təsir göstərə bilərlər, lakin təsir edən yalnız onlar deyil. Avropalılar başqa istiqamətdə təsir edirlər və burada onların arasında ziddiyyət var”, – Patruşev bildirib.
Onun sözlərinə görə, Avropa Ukraynada sülhün əldə olunmasında maraqlı deyil.
Qeyd edək ki, sentyabrın 5-6-da ABŞ Prezidentinin xüsusi nümayəndələri Stiv Uitkoff və Jared Kuşner Moskva və Kiyevə səfər ediblər.
Məlumata görə, ABŞ nümayəndələrinin Rusiya Prezidenti Vladimir Putinlə Kremldə görüşü üç saatdan çox davam edib.
Rusiya Prezidentinin beynəlxalq məsələlər üzrə köməkçisi Yuri Uşakov daha əvvəl bildirib ki, görüş zamanı Ukrayna üzrə üçtərəfli təmasların bərpası variantları müzakirə olunub.
