OMM Redaksiyası
Pakistanın Hayber Paxtunxva əyalətində yerləşən Hanqu rayonundakı polis nəzarət-buraxılış məntəqəsinə silahlı hücum olub.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, hadisə nəticəsində 9 polis əməkdaşı həlak olub, 28 polis yaralanıb.
Qeyd olunub ki, hücum ötən gün baş verib və hadisənin Pakistan Talibanı (TTP) tərəfindən törədildiyi bildirilir.
Təhlükəsizlik qüvvələrinin cavab əməliyyatı zamanı 15 silahlı yaraqlı zərərsizləşdirilib.
Qeyd edək ki, Pakistanın Əfqanıstanla həmsərhəd olan Hayber Paxtunxva və Bəlucistan əyalətlərində silahlı hücumlar tez-tez baş verir.
Hər iki bölgədə puştun və bəluç etnik qruplarının hüquqlarını müdafiə etdiklərini iddia edən silahlı qruplar Pakistanın təhlükəsizlik qüvvələrinə və mülki şəxslərə qarşı hücumlar həyata keçirirlər.
