Afət Ziyadqızı
Pakistan Xarici İşlər Nazirliyinin sözçüsü Tahir Andrabi ölkəsinin İrana qarşı tətbiq olunan birtərəfli sanksiyalara riayət etməyəcəyini açıqlayıb.
“Operativ Məlumat Mərkəzi – OMM” xəbər verir ki, Andrabi Pakistanın Tehranla ikitərəfli ticarət əlaqələrini beynəlxalq hüquq normaları çərçivəsində davam etdirəcəyini bildirib.
Pakistan XİN sözçüsünün sözlərinə görə, ölkənin xarici siyasəti müstəqil xarakter daşıyır və İslamabad üçüncü tərəflərin tətbiq etdiyi birtərəfli məhdudiyyətlərə əməl etmək öhdəliyi daşımır.
Andrabi vurğulayıb ki, Pakistan İranla iqtisadi və ticarət əlaqələrini davam etdirmək niyyətindədir.
Bu açıqlama İslamabadın Tehranla əməkdaşlığı qorumaq və birtərəfli sanksiyaların iqtisadi münasibətlərə təsirini məhdudlaşdırmaq niyyətinin göstəricisi kimi qiymətləndirilir.
