Macarıstanın baş naziri Viktor Orban Rusiya, Çin və ABŞ-a səfərindən sonra Budapeştin Ukrayna böhranının həlli ilə bağlı təkliflərini Avropa İttifaqı ölkələrinin liderlərinə göndərib.
"Operativ Məlumat Mərkəzi-OMM" xəbər verir ki, bu barədə “Magyar Nemzet” qəzetinə Macarıstanın baş nazirinin siyasi direktoru Balaz Orban bildirib.
"Söhbət Orbanın planından gedir, indi bütün Aİ baş nazirlərinin masasındadır" dedi.
Balaz Orbanın dediyi kimi, Budapeşt Ukraynadakı mövcud vəziyyətə realist yanaşır.
O əlavə edib ki, plan real sabitlik hədəflərinə əsaslanır.
Macarıstan baş nazirinin siyasi direktoru bu gün də xatırladıb ki, yalnız Budapeşt münaqişənin “bütün tərəfləri ilə danışıqlar apara bilər”.
