Afət Ziyadqızı
Ukrayna münaqişəsinin diplomatik yolla nizamlanması mürəkkəb və çətin məsələ olaraq qalmaqdadır. Buna baxmayaraq, Vaşinqton tərəflər arasında danışıqlarda uğurlu nəticənin əldə olunacağına dair ümidlərini qoruyur.
“Operativ Məlumat Mərkəzi-OMM” xəbər verir ki, bu barədə ABŞ dövlət katibi Marko Rubio "Fox News" telekanalına müsahibəsində bəyan edib.
ABŞ-nin xarici siyasət idarəsinin rəhbəri diplomatik səylərin mürəkkəbliyinə diqqət çəkib: "Bu, həqiqətən də çətindir, lakin biz bu istiqamətdə uğurlu nəticəyə nail ola biləcəyimizə olan ümidimizi saxlayırıq". Marko Rubio əlavə edib ki, uzanan münaqişə həm Ukraynaya, həm də Rusiya tərəfinə ciddi zərər vurmaqda davam edir.
Öz növbəsində, Rusiya Prezidentinin mətbuat katibi Dmitri Peskov Moskva tərəfinin mövqeyini növbəti dəfə xatırladıb. Peskov bildirib ki, Rusiya Prezidenti Vladimir Putinin Ukrayna böhranının nizamlanması və sülh danışıqları ilə bağlı şərtləri iki il əvvəl necə bəyan edilmişdisə, eyni şəkildə dəyişməz qalır.
Kremil rəsmisi vurğulayıb ki, Rusiya tərəfi münaqişənin diplomatik müstəviyə keçməsinə və dialoqun bərpasına hazır olduğunu saxlayır.
