Rubio Lavrovla keçirilən danışıqları qiymətləndirdi

ABŞ Dövlət katibi Marko Rubio Rusiya xarici işlər naziri Sergey Lavrov ilə keçirdiyi görüşü yüksək qiymətləndirib.

“Operativ Məlumat Mərkəzi-OMM” xəbər verir ki, bu barədə “RİA Novosti” agentliyi məlumat yayıb.

Bildirilib ki, tərəflər arasında baş tutan danışıqlar konstruktiv və səmimi atmosferdə keçib. Marko Rubio görüşdən sonra jurnalistlərə açıqlamasında "Biz yaxşı və açıq bir söhbət apardıq" ifadəsini işlədib.

Məlumata görə, görüş zamanı əsas diqqət Ukraynadakı münaqişənin nizamlanması məsələlərinə yönəldilib. ABŞ Dövlət katibi Vaşinqtonun sülh prosesində konstruktiv rol oynamağa hazır olduğunu bildirib və böhranın həlli üçün yeni yanaşmaların və təkliflərin vacibliyini vurğulayıb.

Qeyd olunub ki, diplomat münaqişənin mümkün qədər tez başa çatdırılmasının beynəlxalq gündəliyin əsas prioritetlərindən biri olduğunu qeyd edib.

Görüş zamanı, həmçinin Moskva və Vaşinqton arasında ikitərəfli münasibətlərin hazırkı vəziyyəti və gələcək əməkdaşlıq imkanları da müzakirə olunub.