İran İslam İnqilabı Keşikçiləri Korpusunun (SEPAH) sözçüsü Hüseyn Mühəbbi ölkəsinin hərbi imkanlarının son dövrlərdə əhəmiyyətli dərəcədə gücləndiyini bildirib.
"Operativ Məlumat Mərkəzi-OMM" xəbər verir ki, o, bu barədə çərşənbə axşamı keçirdiyi açıqlamada danışıb.
Mühəbbi qeyd edib ki, İslam Respublikasının hərbi qabiliyyəti müharibədən əvvəlki dövrlə müqayisədə xeyli artıb.
Onun sözlərinə görə, hər hansı yeni hərbi qarşıdurma baş verəcəyi təqdirdə döyüşlərin xarakteri əvvəlkilərdən fərqlənəcək.
"Düşmən hərbi arenaya qayıtsa, əməliyyat növü, döyüş coğrafiyası və istifadə olunan silahlar fərqli olacaq", – deyə SEPAH rəsmisi vurğulayıb.
Mühəbbi əlavə edib ki, İran Silahlı Qüvvələri mümkün təhdidlərə qarşı hazırlıq səviyyəsini daha da artırıb.
